मावळ :- मावळ-मुळशी-हवेली तालुका बैलगाडा छकडी संघटनेच्या अध्यक्षपदी करंजगावचे विजय शिवाजी टाकवे यांची बिनविरोध निवड झाली. बैलगाडा मालक संघटनेच्या बैठकीत ही बिनविरोध निवड करण्यात आली.तसेच बैलगाडा छकडी संघटनेच्या कार्याधक्षपदी सुरेश गायकवाड व संदीप आंद्रे तर सचिवपदी नवनाथ शेटे, सह-सचिव रंगनाथ सावंत यांची निवड करण्यात आली. संघटनेच्या कार्यकारणीमधे उपाधक्ष पदी देवराम गायकवाड,नवनाथ पडवळ,प्रविण घरदाळे व सनी हुलावळे तर खजिनदार स्वप्निल तरस व सचिन काजळे यांची सह-खजिनदार म्हणून नेमणूक करण्यात आली.संघटनेच्या माध्यमातून बैलगाडा शर्यतीला पारंपारिकता जपत डिजिटल संकल्पनेतून ग्लोबल रुप देण्याचा संकल्प संघटनेचा वतीने संकल्प करण्यात आला.

श्री. विजय टाकवे यांचा सन्मान करताना मान्यवर

कार्याधक्षपदी सुरेश गायकवाड ; सचिव नवनाथ शेटे


बैलगाडा छकडी संघटनेच्या अध्यक्षपदी विजय टाकवे यांची निवड


*गर्दीचे रूपांतर मतांमध्ये करा - सुनील शेळके* तळेगाव दाभाडे, १८ - तळेगावात अभूतपूर्व प्रतिसाद मिळालेला आमदार सुनील शेळके यांचा 'रोड शो' मावळ विधानसभा निवडणुकीतील 'गेम चेंजर' ठरणार आहे. या 'रोड शो' मुळे महायुतीच्या कार्यकर्त्यांचा तसेच दहशतीमुळे दबलेल्या मतदारांचा आत्मविश्वास दुणावल्याचे पाहायला मिळत आहे. त्यामुळे प्रारंभी चुरशीची वाटत असलेली निवडणूक शेवटच्या टप्प्यात एकतर्फी होणार असल्याचे स्पष्ट संकेत मिळत आहेत. आमदार सुनील शेळके यांच्या कालच्या भव्य रोड शोने कार्यकर्त्यांमध्ये उत्साह आणि उमंग संचारला आहे. मोठ्या संख्येने रस्त्यावर उतरलेल्या समर्थकांचा प्रचंड प्रतिसाद बघून आपल्या नेत्यासाठी अजून काम करण्याची इच्छा कार्यकर्त्यांमध्ये जागृत झाली आहे. सुरुवातीपासून शेवटपर्यंत, संपूर्ण मार्गावर घोषणा आणि जयजयकारांसह 'रोड शो'मध्ये उत्साहाचे वातावरण होते. गर्दीच्या उत्साहाने पक्ष कार्यकर्त्यांना प्रेरणा दिली, ज्यांना आता आगामी निवडणुकीच्या उद्दिष्टांसाठी काम करण्यासाठी पूर्वीपेक्षा अधिक दृढनिश्चय वाटत आहे. कार्यक्रमानंतर बोलताना, सुनील शेळके यांनी भरभरून दिलेल्या पाठिंब्याबद्दल कृतज्ञता व्यक्त केली. पक्षाच्या कार्यकर्त्यांनी या 'रोड शो'चे वर्णन 'मनोबल वाढवणारा' असे केले. या 'रोड शो'ने प्रचारात नवीन ऊर्जा दिली आहे. “एवढा मोठा जनसमुदाय पाहून आम्हाला अभिमान वाटतो आणि आमचे प्रयत्न दुप्पट करण्याची प्रेरणा मिळते,” असे महायुतीच्या एका कार्यकर्त्याने सांगितले. 'रोड शो'चे मोठे यश मिळाल्याने सर्वांचाच उत्साह वाढला आहे. आगामी निवडणुकीत या उत्साहाच्या लाटेचे रूपांतर मतदारांच्या भक्कम पाठिंब्यामध्ये होईल, असा विश्वास आमदार शेळके आणि त्यांच्या कार्यकर्त्यांनी व्यक्त केला आहे.

महायुतीचे कार्यकर्ते व मतदारांमधील आत्मविश्वास दुणावला



तळेगावातील सुनील शेळके यांचा 'रोड शो' ठरणार 'गेम चेंजर'

<h2>*दहशतीच्या वातावरणात मतदानाला बाहेर तरी कसं पडू, मतदारराजाचा पोलीस आयुक्तांना सवाल*</h2> तळेगाव दाभाडे, १५ नोव्हेंबर - तळेगाव दाभाडे शहरात व तालुक्यात फिरणाऱ्या काळ्या काचांच्या मोटारी, त्यातून फिरणारे गुंड यांनी मावळ विधानसभा मतदारसंघात प्रचंड दहशतीचे वातावरण निर्माण केले. धमक्यांच्या फोनमुळे रिंग वाजली तरी छातीत धस्स होतं, असे भीतीचे वातावरण असेल तर आम्ही मतदानाला घरातून बाहेर कसं पडायचं, असा सवाल खुद्द मतदारराजानेच पिंपरी-चिंचवडच्या पोलीस आयुक्तांना केले आहे. लोकशाहीच्या या सर्वात मोठ्या उत्सवात स्वतः मतदारराजानेच पोलिसांकडे संरक्षणाची मागणी केली आहे. या संदर्भात पोलीस आयुक्त कार्यालयात प्राप्त झालेला लेखी अर्ज संपूर्ण मतदारसंघात चर्चेचा विषय झाला आहे. आपल्या जीवितास धोकास होऊ शकतो, म्हणून आपण अर्जात नाव, पत्ता व फोन नंबर दिला नसल्याचे अर्जदाराने म्हटले आहे. अर्जदार हा तळेगाव दाभाडे येथे राहणारा असून आपण मावळातील समस्त मतदारांच्या वतीने हा अर्ज करीत आहे, असे त्याने अर्जात नमूद केले आहे. गेल्या काही दिवसांत तळेगाव व परिसरात काळ्या काचांच्या मोटारी मोठ्या प्रमाणात फिरताना दिसू लागल्या आहेत. स्थानिक व बाहेरगावाहून आलेले गुंड रस्त्यावर फिरून सर्वसामान्य नागरिकांमध्ये दहशतीचे वातावरण निर्माण करीत आहेत. सर्वसामान्य मतदारांनाही फोन करून धमकी देण्याचे काम चालू आहे. त्यामुळे मतदार भयभीत झाला आहे. त्यामुळे पोलिसांनी जास्तीत जास्त बंदोबस्त वाढवावा. सराईत गुन्हेगारांवर प्रतिबंधात्मक कारवाई करावी. कोबिंग ऑपरेशन करून समाजविघातक प्रवृत्तीच्या लोकांना गजाआड करावे, अशी मागणी या अर्जात करण्यात आली आहे. विधानसभा निवडणुकीमुळे तालुक्यातील वातावरण विनाकारण तापविण्याचा प्रयत्न सुरू आहे. दिवसाढवळ्या व रात्रीच्या वेळी काळ्या काचांच्या गाडया व गुन्हेगारी प्रवृत्तीचे तरूण सर्रासपणे फिरत असतात, तसेच काही उमेदवारांकडून देहूरोड, देहू, वराळे, तळेगाव दाभाडे या हद्दीमध्ये सर्वसामान्य नागरिकांना धमक्यांचे फोन येत आहेत.आमच्याच उमेदवारालाच मतदान करायचे अन्यथा तुमचे घराचे बाहेर पडणे मुश्किल करू, निवडणूक झाल्यानंतर आम्ही तुमच्याकडे बघू अशा धमक्या दिल्या जात असल्याचा आरोप अर्जात करण्यात आला आहे. काही उमेदवारांचे नातेवाईक व गुन्हेगार समक्ष भेटून अथवा फोन करून मतदारांना धमकावत आहेत. प्रेमाने सांगून ऐकले नाही तर महिलांना व तरूणांना शिवीगाळ करणे व मारहाण करण्यापर्यंत घटना सर्रास घडत आहेत.हे प्रकार थांबवून मतदारांच्या मनात विश्वास निर्माण होण्यासाठी पोलीस आयुक्तांनी त्वरीत योग्य ती पावले उचलावीत व जे कोण गुन्हेगार असतील किंवा दमटाटी करत असतील अशांवर कारवाई करावी, कोबिंग ऑपरेशन करावे तसेच काळ्या काचांच्या गाडयांवर कारवाई करावी. पोलीस बंदोबस्त वाढवावा, अशी मागणी अर्जात करण्यात आली आहे. सर्वसामान्य नागरिकांना लोकशाहीचा उत्सव आनंदाने साजरा करण्यासाठी सुरक्षित वातावरण निर्माण होण्यासाठी पोलीस आयुक्त आवश्यक कारवाई करतील, अशी आशा अर्जदाराने शेवटी व्यक्त केली आहे.

काळ्या काचांच्या मोटारी, गुंडांचा वावर आणि फोनवर धमक्या'*

मावळातील 'मतदारराजा'ची पोलीस आयुक्तांकडे संरक्षणाची मागणी* 


<h1>*सुनीलअण्णा तू एकटा नाही, मावळातील समस्त मातृशक्ती सदैव तुझ्या पाठीशी - रुपाली चाकणकर*</h1> वडगाव मावळ, १५ नोव्हेंबर - काही पुढाऱ्यांनी एकटं पाडायचा प्रयत्न केला असला तरी सुनीलअण्णा तू एकटा नाहीस. मावळातील समस्त मातृशक्ती सदैव तुझ्या पाठीशी आहे. मावळातील लाडक्या बहिणींबरोबरच लाडक्या भाच्यांचंही अफाट प्रेम तुम्ही मिळवले आहे. त्यामुळे कोणी काहीही केलं तर सुनीलअण्णांचा विक्रमी विजय ही काळ्या दगडावरची रेघ आहे, असा विश्वास राज्य महिला आयोगाच्या अध्यक्षा रुपाली चाकणकर यांनी व्यक्त केला. मावळ विधानसभा मतदारसंघातील राष्ट्रवादी काँग्रेस- भाजप- शिवसेना- आरपीआय- एसआरपी महायुतीचे उमेदवार आमदार सुनील शेळके यांनी आज (शुक्रवारी) सांगवी, जांभूळ, ब्राह्मणवाडी, मोहितेवाडी, साते, कान्हे या गावांचा जनसंवाद दौरा केला. ब्राह्मणवाडी येथे झालेल्या जनसंवाद सभेत चाकणकर बोलत होत्या. त्यावेळी आमदार सुनील शेळके, ज्येष्ठ नेते गणेशअप्पा ढोरे, सरपंच वर्षा नवघणे यांच्यासह महायुतीचे पदाधिकारी, कार्यकर्ते व ग्रामस्थ प्रचंड संख्येने उपस्थित होते. रांगोळ्यांच्या पायघड्या, ढोलताशांचा दणदणाट, औक्षणासाठी सुवासिनींच्या रांगा, गुलाबी फेटे घातलेल्या माता-भगिनींची प्रचंड गर्दी अशा वातावरणात ठिकठिकाणी आमदार शेळके यांचे स्वागत करण्यात आले. रुपाली चाकणकर म्हणाल्या की, तालुक्यातील केलेली प्रचंड विकासकामे, अफाट जनसंपर्क यामुळे आमदार शेळके यांना माता-भगिनींसह मावळातील मायबाप जनतेचे प्रचंड प्रेम मिळत आहे. एवढे प्रेम फारच थोड्या लोकांच्या नशिबी असते. हे प्रेम कमवावे लागते. धमकावून असे प्रेम कधीच मिळत नाही. पुणे जिल्ह्यात सर्वाधिक निधी मावळ तालुक्याला आणण्याचे सर्व श्रेय सुनील शेळके यांचे आहे. त्यांनी तो निधी तालुक्यातील वाड्या-वस्त्यांपर्यंत पोहचविण्याचे कामही केले. अपार मेहनतीतून त्यांनी जनतेचे हे प्रेम मिळविले असून मावळची मायबाप जनता त्यांना कधीही एकटे पडू देणार नाही. मुख्यमंत्री माझी लाडकी बहीण योजनेच्या माध्यमातून महायुती सरकारने प्रत्येक बहिणीच्या बँक खात्यात दरमहा दीड हजार रुपये जमा केले. महायुतीचे सरकार पुन्हा सत्तेत आल्यानंतर ही रक्कम दरमहा २,१०० रुपये करण्यात येणार आहे. त्यासाठी महायुती पुन्हा सत्तेत येणे आवश्यक आहे. त्यासाठी माता-भगिनींनी सुनीलअण्णांना भरभरून मतदान करावे, असे आवाहन चाकणकर यांनी केले. <h2>*लोकप्रतिनिधी जनतेवर उपकार करीत नाहीत - शेळके* </h2> आमदार शेळके म्हणाले की, माझी भावकी छोटी असली तरी तुम्ही सगळी गावकी माझ्या पाठीशी उभी केली. काम करण्यासाठी निवडून देता. कामे झाल्याचे समाधान लोकांच्या चेहऱ्यावर दिसत आहे. शासनाच्या योजनांतून सर्वसामान्यांना आधार देणे हे लोकप्रतिनिधींचे कर्तव्यच आहे. लोकप्रतिनिधी काम करून जनतेवर कोणतेही उपकार करत नाहीत. या गावात येऊन विरोधकांनी केलेल्या उपकाराच्या भाषेचा मी निषेध करतो. मावळची जनता दमदाटीची भाषा खपवून घेत नाही. मी तालुक्यात कामे केली नाहीत, मी कार्यकर्त्यांवर अन्याय केला, हे विरोधकांना पाच वर्षांत दिसले नाही, पण महायुतीने माझी उमेदवारी जाहीर केल्यानंतर १५ दिवसांत या मंडळींना तसा साक्षात्कार झाला. मी कोणाला त्रास दिला नाही, कोणाला लुबाडले नाही. लोकांकडून व्याज घेतले नाही, गावागावात जाऊन दहशत केली नाही. त्यामुळे मायबाप जनता माझ्यावर प्रेम करते. तुमच्यावर करत नाहीत. यात माझा काय दोष, असा सवाल करीत आमदार शेळके यांनी विरोधकांचे वाभाडे काढले. <h2>*सख्ख्या नसलो तरी पक्क्या बहिणी - वर्षा नवघणे*</h2> आम्ही सर्वजणी सुनीलअण्णांच्या सख्ख्या नसलो तरी पक्क्या बहिणी आहोत, असे सांगत सरपंच वर्षा नवघणे यांनी आमदार शेळके यांनी ब्राह्मणवाडीच्या विकासासाठी केलेल्या कामांचा पाढाच वाचला. *आमची पॉलिसी सुनीलअण्णा* गावातील धनश्री दादाभाऊ शिंदे ही तरुणी अण्णांविषयी बोलताना म्हणाली, 'आमच्या शिक्षणाची पॉलिसी सुनीलअण्णा, आमच्या आरोग्याची पॉलिसी सुनीलअण्णा, आमच्या सुरक्षिततेची पॉलिसी सुनीलअण्णा, एवढंच नाही तर आमच्या लग्नाची पॉलिसी पण सुनीलअण्णाच आहे.' यावेळी ग्रामस्थांनी 'कोण म्हणतं ९० टक्के, शंभर टक्के, शंभर टक्के', 'कोण म्हणतं येणार नाही. आल्याशिवाय राहणार नाही' अशा घोषणा देत आमदार शेळके यांच्या विजयाचा निर्धार केला.

सुनीलअण्णा आम्ही सख्ख्या नसलो तरी पक्क्या बहिणी - वर्षा नवघणे*

आमच्या शिक्षणाची पॉलिसी सुनीलअण्णा, आमच्या आरोग्याची पॉलिसी 

आमच्या शिक्षणाची पॉलिसी सुनीलअण्णा, आमच्या आरोग्याची पॉलिसी सुनीलअण्णा'



वडगाव मावळ, १५ नोव्हेंबर - छत्रपती शिवरायांच्या विचारांचा हा महाराष्ट्र असल्यामुळे महिलांचा अपमान खपवून घेतला जाणार नाही. खबरदार, महिलांविषयी आक्षेपार्ह वक्तव्य कराल तर कठोर कारवाई केली जाईल, असा कडक इशारा राज्य महिला आयोगाच्या अध्यक्षा रूपाली चाकणकर यांनी आज (शुक्रवारी) दिला. मावळ लोकसभा मतदारसंघातील राष्ट्रवादी काँग्रेस- भाजप- शिवसेना- आरपीआय- एसआरपी महायुतीचे उमेदवार आमदार सुनील शेळके यांच्या जांभूळ येथील जनसंवाद सभेत त्या बोलत होत्या. यावेळी आमदार सुनील शेळके तसेच महायुतीचे पदाधिकारी, कार्यकर्ते व ग्रामस्थ मोठ्या संख्येने उपस्थित होते.&nbsp; मावळ तालुक्यातील अपक्ष उमेदवार बापूसाहेब भेगडे यांच्या प्रचारात वारंवार महिलांविषयी आक्षेपार्ह वक्तव्ये होत असल्याबद्दल उपस्थित महिलांनी&nbsp;तीव्र संताप व्यक्त केला. यावेळी विरोधी उमेदवाराचा जाहीर निषेधही करण्यात आला.&nbsp; रूपाली चाकणकर म्हणाल्या की, लोणावळा येथे महिला पत्रकाराला दमदाटी व जीवे मारण्याची धमकी देण्यात आली. याप्रकरणी राज्य महिला आयोगाने गंभीर दखल घेतली असून संबंधितांवर कठोर कारवाई करण्याची सूचना वरिष्ठ पोलिस अधिकाऱ्यांना केली आहे. निवडणूक प्रचारात महिलांविषयी बोलताना सर्वच नेत्यांनी व कार्यकर्त्यांनी मर्यादांचे पालन करावे. महिलांविषयी आक्षेपार्ह, अश्लील, अश्लाघ्य वक्तव्य कराल तर खबरदार! महिलांचा अपमान करणाऱ्यांवर कायद्याच्या चौकटीत कठोरात कठोर शासन केले जाईल.&nbsp; यासंदर्भात प्रचाराच्या चित्रफितीची शहानिशा करून दोषी व्यक्तींवर गुन्हे दाखल करण्याच्या सूचना पोलिसांना देण्यात आले आहेत. महिलांनी देखील न घाबरता पोलिसांकडे तक्रार करावी. पोलिसांकडे जाणे शक्य नसेल तर ऑनलाईन तक्रार करण्याची देखील सुविधा उपलब्ध आहे, असे चाकणकर यांनी सांगितले.&nbsp; सुनील शेळके यांनी तालुक्यात प्रचंड विकास कामे केली आहेत.&nbsp;तालुक्यातील सर्व लाडक्या बहिणींची ते काळजी घेतात. त्यामुळे माता- भगिनींमध्ये विशेष लोकप्रिय आहेत. काही केल्या ही लोकप्रियता कमी होत नसल्यामुळे विरोधकांच्या पायाखालची वाळू सरकली आहे. त्यामुळे चिडून ते महिलांविषयी आक्षेपार्ह वक्तव्ये करू लागले आहेत. ही महाराष्ट्राची संस्कृती नाही. त्यामुळे त्यांना योग्य तो धडा शिकवला जाईल, असा इशाराही चाकणकर यांनी दिला.&nbsp; *माता-भगिनींचा अपमान खपवून घेणार नाही - सुनील शेळके* विरोधकांनी माझ्यावर वैयक्तिक कितीही टीका केली तरी ती सहन करण्याची ताकद माझ्यात आहे, मात्र तालुक्यातील माझ्या माता-भगिनींविषयी अवाक्षर काढलेले देखील मी खपवून घेणार नाही. विरोधकांनी माता-भगिनींविषयी बोलताना जीभ सांभाळून बोलावे, असे आमदार सुनील शेळके यांनी ठणकावले.

शिवरायांच्या महाराष्ट्रात महिलांचा अपमान खपवून घेणार नाही - रूपाली चाकणकर*

बैलगाडा छकडी संघटनेच्या अध्यक्षपदी विजय टाकवे यांची निवड

लेटेस्ट अपडेट्स

तळेगावातील सुनील शेळके यांचा 'रोड शो' ठरणार 'गेम चेंजर'

मावळातील 'मतदारराजा'ची पोलीस आयुक्तांकडे संरक्षणाची मागणी*

आमच्या शिक्षणाची पॉलिसी सुनीलअण्णा, आमच्या आरोग्याची पॉलिसी सुनीलअण्णा'

महिलांविषयी बोलताना मर्यादांचे पालन करा - रूपाली चाकणकर