सर्व समाजांना एकदिलाने व गुण्यागोविंदाने राहण्याचे आमदार सुनिल शेळकेंचे आवाहन लोणावळा, 6 सप्टेंबर - सर्व समाजाने एकोप्याने व गुण्यागोविंदाने राहण्यासाठी सर्व समाजांना न्याय देण्याची भूमिका असली पाहिजे, असे मत मावळचे आमदार सुनिल शेळके यांनी आज व्यक्त केले. मुस्लिम समाजाच्या वतीने लोणावळा येथे उभारण्यात येणाऱ्या नियोजित अनाथाश्रमास एक कोटी रुपयांचा निधी देण्याची घोषणा देखील त्यांनी केली.&nbsp; लोणावळा नगरपरिषद हद्दीतील मुस्लिम दफनभूमीस संरक्षक भिंत बांधणे, अंगणवाडी केंद्र बांधणे व समाज मंदिर बांधणे या कामांचा शुभारंभ आमदार शेळके यांच्या हस्ते झाला.त्यावेळी ते बोलत होते.&nbsp;&nbsp; या कामांसाठी सुमारे 1 कोटी 40 लक्ष निधी उपलब्ध झाला असून मुस्लिम बांधवांकडून अनेक वर्षांंपासून या कामांची मागणी होत होती.अखेर या कामांना आज प्रत्यक्ष सुरूवात करण्यात आली आहे..<img src="https://newsdreamcare.s3.amazonaws.com/bf91db75-fa71-475f-a050-710140ff50cc.png">..&nbsp;या कार्यक्रमास लोणावळा नगरपरिषद मुख्याधिकारी अशोक साबळे, माजी उपनगराध्यक्ष नारायण पाळेकर, श्रीधर पुजारी, आरपीआय पश्चिम महाराष्ट्र अध्यक्ष सूर्यकांत वाघमारे, शिवसेना नेते मच्छिंद्र खराडे, राष्ट्रवादी काँग्रेस लोणावळा शहराध्यक्ष विलास बडेकर, माजी नगरसेवक प्रमोद गायकवाड, निखिल कवीश्वर, आरोही तळेगावकर, उमा मेहता, राष्ट्रवादी काँग्रेस अल्पसंख्यांक सेल अध्यक्ष बाबा मुलाणी, हनिफभाई शेख, झिशान शेख, फरहान शेख, शफी आत्तार, रफिकभाई शेख, मुश्ताक काठेवाडी, लतीफ खान,ॲड.अश्फाक काझी, आशिष बुटाला, जाकीर खलिफा, संजय घोणे, समीर खोले, जयेश देसाई आजी-माजी पदाधिकारी, तसेच सुन्नी मुस्लिम जमात अमलगमेटड ट्रस्टचे सर्व पदाधिकारी व मुस्लिम बांधव मोठ्या संख्येने उपस्थित होते. आमदार शेळके म्हणाले की, मुस्लिम बांधवांच्या मागणीनुसार ही कामे आज सुरू होत आहेत. लोणावळ्यातील मुस्लिम बांधवांनी समाजासाठी नेहमीच मोठे योगदान दिले आहे.प्रत्येक समाज घटकाला न्याय देण्याची आपली नेहमीच भूमिका आहे.&nbsp; ट्रस्टच्या वतीने अनाथाश्रमाचा प्रकल्प राबविण्यात येणार असून त्यासाठी आपण आत्ताच एक कोटी रुपयांचा निधी जाहीर करीत आहोत. या प्रकल्पाचा सर्वंकष आराखडा मुख्याधिकाऱ्यांनी बनवावा. त्यासाठी दोन कोटी रुपये खर्च येणार असेल, तरी तेवढा निधी उपलब्ध करुन देण्यासाठी नक्कीच प्रयत्न करण्यात येईल,अशी घोषणा आमदार शेळके यांनी केली.

मुस्लिम समाजाच्या नियोजित अनाथाश्रमास एक कोटी रुपयांचा निधी - आमदार शेळके



समाज एकसंध राहण्यासाठी सर्व घटकांना न्याय देण्याचा प्रयत्न -

समाज एकसंध राहण्यासाठी सर्व घटकांना न्याय देण्याचा प्रयत्न - आमदार शेळके



लोणावळा, -पर्यटकांचे आकर्षण असलेल्या खंडाळा तलावातील नौका विहार (बोटिंग) सुरु व्हावा तसेच भविष्याचा विचार करता लोणावळा शहरात भूमिगत वीजवाहिन्यांची कामे प्राधान्याने मार्गी लागायला हवी,अशी सूचना मावळचे आमदार सुनिल शेळके यांनी केली. &nbsp;लोणावळा नगरपालिका हद्दीतील विविध विकासकामांच्या संदर्भातील आढावा बैठक नगरपरिषद सभागृहात आज झाली. त्यावेळी आमदार शेळके बोलत होते.&nbsp;&nbsp; या बैठकीस नगरपरिषदेचे मुख्याधिकारी अशोक साबळे, माजी नगराध्यक्षा सुरेखाताई जाधव, माजी उपनगराध्यक्ष श्रीधर पुजारी तसेच किरण गायकवाड, पोलीस निरीक्षक सुहास जगताप, पल्लवी पिंगळे, शिवाजी चव्हाण, माजी नगरसेवक देवीदास कडू, आरोही तळेगावकर, अंजनाताई कडू, विलास बडेकर, नारायण पाळेकर, अरुण लाड, दत्ताभाऊ येवले, आशिष बुटाला, ब्रिंदा गणात्रा, भरत चिकणे,उमाताई मेहता, मुकेश परमार,निखिल कवीश्वर, बाबा ओव्हाळ, झिशान शेख, दत्ता दळवी, सनी पाळेकर, वैभव देशपांडे आदी उपस्थित होते. काही दिवसांपूर्वी उपमुख्यमंत्री अजित पवार यांच्या दालनात झालेल्या बैठकीतील मुद्द्यांवर प्रशासनामार्फत काय कार्यवाही करण्यात आली याचा आढावा या बैठकीत घेण्यात आला. यात प्रामुख्याने प्रलंबित असलेल्या भांगरवाडी पुलाच्या कामाबाबत व अनुकंपा तत्त्वावरील वारसांना नोकरी संदर्भात जिल्हाधिकारी यांच्याकडे भूमी अभिलेख अधिकाऱ्यांसमवेत तात्काळ बैठक लावण्याबाबत आमदार शेळके यांनी आदेश दिले. उर्दू शाळेचे अंदाजपत्रक तयार करण्यासाठीच्या कामांना गती द्यावी, तुंगार्ली येथे जेष्ठ नागरिकांसाठी विरंगुळा केंद्र उभारण्याच्या कामास गती द्यावी.पर्यटकांचे आकर्षण असलेल्या खंडाळा तलावातील बोटिंग सुरु व्हावी याबाबत चर्चा करण्यात आली. भविष्याचा विचार करता पर्यटनाच्या दृष्टीने महत्त्वाच्या असलेल्या लोणावळा शहरात भूमिगत वीज वाहिन्यांची कामे प्राधान्याने मार्गी लागायला हवी यासाठी अंदाजपत्रक तयार करुन किती निधीची आवश्यकता आहे व त्यानुसार निधीसाठी पाठपुरावा करण्यात येईल, असे आमदार शेळके यांनी सांगितले.&nbsp; बैठकीत विविध विषयांवर सकारात्मक चर्चा झाली व संबंधित अधिकाऱ्यांना आदेश देण्यात आले. यावेळी उपस्थित नागरिकांच्या समस्या देखील आमदार शेळके यांनी जाणून घेतल्या.

लोणावळा नगरपालिकेत घेतली आमदार शेळके यांनी आढावा बैठक

खंडाळा तलावात बोटिंग व लोणावळ्यात भूमिगत वीज वाहिन्यांचे काम

खंडाळा तलावात बोटिंग व लोणावळ्यात भूमिगत वीज वाहिन्यांचे काम प्राधान्याने करा - आमदार सुनिल शेळके

वडगाव मावळ :- शेटेवाडी येथे मृदुंगमणी हभप कै. दत्तोबा महाराज शेटे यांच्या १७ व्या पुण्यस्मरण दिनानिमित्त आयोजित करण्यात आलेल्या रक्तदान, नेत्र तपासणी शिबिर, गुणीजणांचा सन्मान, कीर्तन, गायन आदी कार्यक्रमांना उत्स्फूर्त प्रतिसाद मिळाला. भजनसम्राट हभप नंदकुमार महाराज शेटे यांच्या पुढाकाराने आयोजित केलेल्या या कार्यक्रमास माजी सभापती निवृत्ती शेटे, ज्ञानेश्र्वर दळवी, शांताराम कदम, देहू देवस्थानचे माजी अध्यक्ष नितीन महाराज मोरे, अभिमन्यू शिंदे, प्रदीप कदम, माजी उपनगराध्यक्ष किशोर भेगडे, राजू ढोरे, अमोल भेगडे, बाळकृष्ण वचकल, सुखदेव ठाकर, कमलेश राक्षे, दिलीप खेंगरे, मोहन घोलप, पांडुरंग मोडवे, नवनाथ मोढवे, कृष्णा भांगरे, विक्रम कलवडे नाथा घुले, वैभव पिंपळे संतोष पिंपळे आदी उपस्थित होते. यावेळी झालेल्या रक्तदान शिबिरात २१ जणांनी रक्तदान केले तर ९७ जणांची नेत्र तपासणी करण्यात आली. पुण्यस्मरण दिनानिमित्त हभप जयश्री वचकल, हभप वाघुजी पाठारे यांना वारकरी भूषण तर मुख्याध्यापक राजू भेगडे व अजिनाथ ओगले यांना गुणवंत गुरुजन पुरस्कार देवून सन्मानित करण्यात आले. तसेच उद्योजक बबनराव माने, पत्रकार गणेश विनोदे, सरपंच आशा कदम, वच्छला वाळंज या विविध क्षेत्रातील मान्यवरांचा विशेष सन्मान करण्यात आला. याप्रसंगी, हभप धनराज बाबा पाटील यांची कीर्तन सेवा झाली, तर प्रसिद्ध गायिका अश्विनी मिठे, सृष्ठी नेटके, गायत्री शेलार, आरती मिठे यांचा स्वरगंध गीत व अभंग गायनाचा कार्यक्रम झाला. कार्यक्रमाचे आयोजन नंदकुमार शेटे, मयुर शेटे, मनोज शेटे, यशवंत शेटे व शेटेवाडी ग्रामस्थांनी केले, रामदास शेटे यांनी प्रास्ताविक केले.

मृदुंगमणी हभप कै. दत्तोबा महाराज शेटे यांच्या १७ व्या पुण्यस

मृदुंगमणी हभप कै. दत्तोबा महाराज शेटे यांच्या १७ व्या पुण्यस्मरण दिनानिमित्त विविध सामाजिक कार्यक्रमांचे आयोजन 

लोणावळा, 20 ऑगस्ट - लोणावळा शहरातील वाहतूक कोंडीचा प्रश्न सोडविण्यासाठी शहरातील जुन्या महामार्गाच्या रुंदीकरणाची कार्यवाही नगरपालिकेने सुरू करावी. लोणावळा शहरात ओला-उबर सारख्या ऑनलाइन बुकिंगच्या रिक्षा व टॅक्सींना व्यवसायासाठी बंदी करण्यासह लोणावळा-खंडाळा शहरातील विविध विकासकामांबाबत अनेक महत्त्वपूर्ण निर्णय उपमुख्यमंत्री व पुणे जिल्ह्याचे पालकमंत्री अजित पवार यांच्या अध्यक्षतेखाली मुंबईत मंत्रालयामध्ये झालेल्या बैठकीत घेण्यात आले. या बैठकीस मावळचे आमदार सुनिल शेळके, लोणावळा नगरपरिषदेचे मुख्याधिकारी अशोक साबळे, माजी नगराध्यक्षा सुरेखाताई जाधव, माजी उपनगराध्यक्ष श्रीधर पुजारी, माजी नगरसेविका शादानभाभी चौधरी, मिलिंद भालेराव, विशाल मराठे, मुकेश परमार, जीवन गायकवाड, दिलीप गुप्ता, मंगेश आगरवाल, भरत हरपुडे, संदीप कोराड, वसंत काळोखे, दत्ता येवले, योगेश गवळी, अमोल शेडगे,संजय मावकर,संजय सोनवणे,नंदकुमार चोरडिया, गणेश चव्हाण,रमेश म्हाळसकर,नितेश जाधव, आनंद सदावर्ते यांसह इतर स्थानिक प्रतिनिधी उपस्थित होते. बैठकीस गृहनिर्माण, नियोजन विभाग, सामान्य प्रशासन विभाग, वित्त विभाग, सार्वजनिक बांधकाम विभाग, उद्योग उर्जा व कामगार विभाग या विभागांचे अप्पर मुख्य सचिव, नगरविकास विभागाचे प्रधान सचिव,&nbsp;सामाजिक न्याय व विशेष साहाय्य विभागाचे सचिव, म्हाडाचे उपाध्यक्ष तथा मुख्य कार्यकारी अधिकारी, विभागीय आयुक्त पुणे, जिल्हाधिकारी पुणे, विभागीय रेल्वे व्यवस्थापक पुणे, प्रादेशिक परिवहन अधिकारी, पिंपरी चिंचवड यांसह संबंधित विभागाचे सर्व प्रशासकीय अधिकारी उपस्थित होते. लोणावळा शहरात 16 ऑगस्टला झालेल्या संवाद बैठकीतील चर्चेनंतर अजितदादांनी दिलेल्या शब्दानुसार लोणावळा शहरातील विविध समस्यांचा आढावा मंत्रालयातील या घेण्यात आला.&nbsp; शहरातील वाहतूक कोंडीची समस्या जाणून घेत जुना मुंबई-पुणे महामार्ग रुंदीकरणाच्या कामासाठी नगरपरिषदेकडून तातडीने कार्यवाही करण्याचे निर्देश या बैठकीत देण्यात आले.&nbsp; ऑनलाईन बुकिंगची सुविधा असलेल्याओला, उबर आदी कंपन्यांच्या रिक्षा व टॅक्सींना लोणावळा-खंडाळा शहरामध्ये व्यवसाय करण्यास पूर्णपणे बंदी करण्यात आली. त्याबाबतचे निर्देश अजितदादांनी दिले. यामुळे शहरातील स्थानिक रिक्षा व टॅक्सीचालकांना मोठा दिलासा मिळणार असून अनेक वर्षांपासूनच्या मागणीला यश मिळाले आहे.&nbsp; शहरातील भांगरवाडी ते नांगरगाव दरम्यानच्या रेल्वे उड्डाणपुलाचे काम मार्गी लावण्यासाठी भूसंपादनाकरीता वित्त विभागाकडून सुमारे 15 कोटी निधी उपलब्ध करुन देणार असुन जोडरस्त्याचे काम देखील तातडीने करण्याबाबतचे निर्देश संबंधितांना दिले.&nbsp; लोणावळा-खंडाळा परिसरात लाखो पर्यटक दरवर्षी येत असतात. या पर्यटकांवर अवलंबून असलेल्या व्यावसायिकांवर मध्यतंरी कारवाई करण्यात आली होती. या अनुषंगाने झालेल्या चर्चेनंतर भुशी डॅम परिसरातील स्थानिक भूमिपुत्रांच्या रोजगारासंदर्भात सकारात्मक निर्णय घेण्याचे आदेश अजितदादांनी जिल्हाधिकाऱ्यांना&nbsp;दिले. इंदिरा वसाहतीकडे जाणारा रस्ता करण्यास पोलीस विभागाकडून परवानगी देऊन तात्काळ रस्ता करण्याचे आदेश देण्यात आले.&nbsp;&nbsp;&nbsp;नगरपरिषद हद्दीतील पाणी प्रश्न सोडविण्यासाठी सार्वजनिक बांधकाम विभागाच्या मालकीच्या जागेत पाण्याच्या टाकीसाठी तात्काळ जागा उपलब्ध करुन देण्याचे आदेश संबंधित विभागास देण्यात आले आहेत.&nbsp; लोणावळा नगरपरिषदेत अनुकंपा तत्त्वावरील नोकरी उपलब्ध होण्यासाठी मुंबई येथे सादर केलेल्या प्रस्तावातील कागदपत्रांची पुढील आठ दिवसात छाननी करुन तात्काळ अनुकंपावरील बांधवांना नोकरीची संधी देण्याबाबत कार्यवाही करण्याचे आदेश अजितदादांनी दिले. लोणावळा शहरातील सांडपाणी समस्या सोडविण्यासाठी पीएमआरडीए मार्फत एकूण नऊ ठिकाणी STP प्रकल्प राबविण्याचा प्रस्ताव केंद्र शासनाच्या परवानगीसाठी पाठविण्यात आलेला आहे. त्या प्रस्तावास मंजुरी मिळण्यासाठी संबंधितांना निर्देश दिले असून सदर कामास गती देण्याचे आदेश देण्यात आले आहेत. या महत्वपूर्ण विषयांसोबत शहरातील विकासासंदर्भातील व स्थानिक अडचणींचा आढावा आदरणीय दादांनी घेतला असून सदर प्रश्न सोडविण्यासाठी स्थानिक प्रशासनास कठोर निर्देश देण्यात आले.

भांगरवाडी ते नांगरगाव रेल्वे उड्डाणपुल भूसंपादनासाठी सरकार देणार 15 कोटींचा निधी


लेटेस्ट अपडेट्स

समाज एकसंध राहण्यासाठी सर्व घटकांना न्याय देण्याचा प्रयत्न - आमदार शेळके

खंडाळा तलावात बोटिंग व लोणावळ्यात भूमिगत वीज वाहिन्यांचे काम प्राधान्याने करा - आमदार सुनिल शेळके

मृदुंगमणी हभप कै. दत्तोबा महाराज शेटे यांच्या १७ व्या पुण्यस्मरण दिनानिमित्त विविध सामाजिक कार्यक्रमांचे आयोजन

लोणावळ्यात 'ओला- उबर'वर बंदी* लोणावळ्यातील जुन्या महामार्गाचे होणार रुंदीकरण